اعلان وظيفة:
مطلوب للعمل فورا فنى تكيف وتبريد
او حد عاوز يشتغل حتي لو معندهوش اي خبرة فى المجال هيتعلم معانا

معلومات عن الشركة:
عميلنا شركة هندسية ضخمة شغالين فى الميكانيكا وبالاخص فى ال HVAC تبريد وتكيف (التكيف المركزى) بقالهم 15 سنة فى السوق

مهام الدور الوظيفي:
بنعمل قياسات لاجهزة التكيف المركزى داخل مصانع وشركات الادوية (شغل اسمه Test and Balance)

المؤهلات والمتطلبات:
-خريجى معاهد التبريد والتكيف-كلية التعليم الصناعى- خريج كل ما يتعلق بالتبريد والتكيف
-خبرة من 0 إلى 2
عادى لو حد لسة متخرج وحابب يتعين مش مطلوب خبرة لأن كدا كدا هينزل مع الفريق بتاعنا وهيتعلم منهم وهيبقي عنده خبرة معانا

- مطلوب جدا حسن السير والسلوك
- السن من 21 سنة إلى 30 سنة
-يكون من سكان الجيزة والقاهرة لان شركتنا مقرها فى المهندسين فى ميدان لبنان ومش بتوفر سكن

مواعيد العمل:
-مواعيد شغلنا الاساسية من الاحد للخميس من ٨ ص ل ٤:٣٠ م جمعة وسبت اجازة والاجازات الرسمية اجازة
- احيانا بيتطلب ان يكون فى شغل يوم السبت بالتنسيق مع مديرك وديه ليها بدل مادى او بدل اجازة

المميزات:
-فى اليوم الواحد لو حصل واشتغلت 11 ساعة بدل 8 ساعات وده نادرا اما بيحصل بيكون فى بدل سهر (مقابل مادى)

-عندنا تأمين طبي بأعلى مستوى وتأمين اجتماعى اول مبتتعين ومش بيتخصم من مرتبك

المرتب:
-المرتب بيكون من 7000 الى 9000 على حسب الخبرة

ازاى تقدم:
-الي مهتم وجاد وينطبق عليه كل الشروط ديه يبعت بياناته زي (هو منين وعنده كام سنة وخريج ايه)